Facultade

A Facultade de Ciencias Económicas e Empresariais é un centro universitario público de formación e investigación no ámbito da Administración e a Dirección de Empresas, a Economía, as Finanzas e, desde 2014, da formación Xurídica-Empresarial. Naceu en 1991, aínda que antes foi un centro adscrito á Universidade de Santiago de Compostela, cun obxectivo fundamental: contribuír, a través da formación e a investigación, a formar e capacitar a profesionais que liderarán os desafíos directivos na contorna empresarial, institucional, financeiro e xurídico.

Os nosos programas de Grao en Administración e Dirección de Empresas e Grao en Economía, con docencia en inglés nalgunhas materias, e o Dobre Grao en Administración e Dirección de Empresas e Dereito son referentes na formación de estudantes, futuros profesionais da contorna empresarial. Os programas de Posgrao en Finanzas, Administración Integrada de Empresas e Responsabilidade Social Corporativa, Xestión do Desenvolvemento Sustentable, Auditoría e Contabilidade, Economía e Técnicas Estatísticas, contan con excelentes recoñecementos na contorna profesional e institucional.

O claustro de profesores, as prácticas en empresas, as opcións internacionais e as diversas actividades extraacadémicas proporcionaranche, tras o teu paso polas nosas aulas, unha bagaxe que fortalecerá o teu futuro profesional.